رد صانع المحتوى مصطفى الفكاك المعروف بلقب سوينغا على الشائعات التي ربطته بالحصول على مبلغ 30 مليون سنتيم من وزارة السياحة والصناعة التقليدية والاقتصاد الاجتماعي والتضامني مقابل الترويج لبرنامج فرصة الذي تم اعطاء انطلاقته يوم الثلاثاء الماضي بالرباط.
وجاء في تدوينة مطولة لمصطفى الفكاك والتي اختار أن تكون باللغة الدارجة:
(قلت لحد هدا نبقا ناعس شوي ، فقت لقيت رويينة نيضا عليا في البعض الجرائد، صورة ديال كونطرا فيها إسم الشهرة ديالي و بلي غادي نشد 300الف درهم على فيديو غادي نصوبو بخصوص برنامج فرصة ، العجيب هو انني هاد الكونطرا حتى انا اول مرة نشوفو في هاد المقال , وتعجبت كيفاش للصحيفة تتنشر ورقة لقتها مافيها لا إمضاء لا كاشي لا والو و تتنسبها للناس بدون دليل ؟ نورمالمو من قواعد المهنة لواحد ايتحقق قبل لا اينشر ، انا شخصيا ماقريش مهنة الصحافة و تنتحقق من المصادر قبل لا نشر
المهم غير للتوضيح فعلاً الناس المسؤولين على الحمل الاعلامية ديال فرصة طلبو مني ندير فيدو على الموضوع و نشرحو للشباب بحكم انو عندي متابعين كثار من الشباب و برنامج “فرصة” كيستهدف الشباب ، او انا قلت ليهم ماكينش عندي مشكل ممكن نشرح البرنامج في فيدو من لي موالفين تتشوفي عندي في قناتي الخاصة ، شرط لي كان عندي انني نعطيهم الموافقة ديالي من بعد ما نفهم البرنامج و التفاصيل ديالو ، قالو لي مرحبة راه كين واحد الإيفنمو ديال اللونصمو غادي نشرحو فيه برنامج “فرصة” مزياان ، قلت ليهم مرحبة و مشيت باش نفهم و حرصت على انني ما أمكن مانتصورش و مندويش عليه حتى نكون رأي عن طريق تجارب الناس لي غادي ايشاركو في البرنامج يعني كنت معول ما نجاوب على مدة باش ايلا كنت غادي نصوب فيديو ايكون فيه جميع التفاصيل و العراقيل لي عاشو الشباب مع البرنامج،
، ودابا تنصبح تنلقى راسي شديت 300الف درهم ، صراحة ماكرهتش لقضية منحسرة مع هاد الازمة).
